في ناس بتتعامل معاك زي السجاير..بتبقي أنت مطفي..و في حالك..بتولعك و تديك طاقة..و فجأة بتطفيك في نصك و تحطك في العلبة عشان لو إحتاجتك..بس مش كل السجاير زي بعض..ممكن تكون سجارة تقيلة شوية متطفيش و تولع في العلبة كلها و فيك شخصيا..
إنكار الجميل
البني آدم اللي بينكر الجميل..او تضحياتك..او مجهودك عشانه دا اكتر بني آدم عنده نقص في الدنيا..انا مبقولكش افتكر فضلي عليك كل شوية و اشكرني..لا..الفضل علي البني آدم من ربنا وحده طبعا ..بس علي الأقل راعي الحاجات اللي عملتها عشانك في التعامل..متعاملنيش زي اي حد و انا حطاك و بمزاجك فوق كل الناس..من الاخر كدة..لو انت مش قد ان حد يعاملك بطريقة ،special’ يبقي فهمو كدة..بس متخدش وقته و تفكيره و اهتمامه و حبه و بعدين تقول له مع السلامة وقتك خلص معايا..و لو مش حاسس انك بتتعامل بطريقة مستفزة و مفيش تقدير..ف هاييجي اللي هيعمل فيك كدة برده..فكما تدين تدان و لو بعد حين
الخيانة
الخيانة..الخيانة هي نقص واضح في البني آدم اللي بيخون..هي عدم ثقة في النفس…لو شايف إن اللي قدامك مش مكفيك او بطلت تحبه يبقي سيبه بنضافة..بس معني انك بتخون يعني انت مع اتنين في نفس الوقت..مش مكفيك لا ده ولا ده..لو واثق في نفسك كفاية كان واحد كفاك..بس الأنانية و الحرمان هي اللي بتخليك تخون و تفشخ الترفين اللي معاك..ياريت كل واحد قبل ما يخون يفكر هو عايز ايه بالظبط ..يا عم معلش تعالي علي نفسك و بلاش دور الصايع…عشان كدة كدة هتتكشف و هيبقي منظرك حقير..
Phsycopathetic 